أنا مصري…إنت مين؟

أنا مصري…إنت مين؟

لو سالتك إنت مصري تقول لي مين

تقول لي مصري إبن مصري ريس وباشا وإبن بلد كمان



ومش عشان إتدهور بينا الدخل والحال

تقول عمر الزمان ماهايرجع زى ماكان

عمر الأصل ما يتشري بالمال



عمر أصلك وفصلك أقدم من عمر كل زمان

ومهما تجور عليك ايامك وسنينك إنت ثابت وياجبل مايهزك ريح

وبكل السلبية والمساوئ والعيوب مثيلك في العالم كله زيك ماتلاقيش

المصري إلي دمه خفيف والنكت جدها وأبوها صنع في مصر

مهما يقهرك شقاك وغلبك إنت بردو قادر تعصرهم عصر

بحبك وانتي حاضنة كل الألوان يامصر

بحبك وإنتي حاضنة كل الأديان يامصر

بحبك ومكاني فيكي مهما كان فقير هو بالنسبة لي قصر

ياأم الدنيا يابلد العجايب

ياعشق كل متغرب وغايب

انا سيفك أنا رمحك في الحق والعدل قانونك الغالب

وانشاءالله كل إلي يكرهك على إيدياه دول هالك

ماشاءالله طول عمرك ولادة ياعظمة وروعة ولادك

جنودك في البر في البحر في الجو خيرة جنود الأرض ثابتين ليوم الدين ولو كره أعدائك

Ana Masry Enta Meen

Law Kona Benhebaha

Akeed Fee Masr

Mashrebtesh Mein Neelha