الحب كله حبيته فيك

الحب كله…
إلى كل رجل وإلى كل إمرأة فقدوا الإحساس بالإحساس بالحب
إلى كل قلب وحيد محتاج لشعور ولو للحظة حب
إلى كل قلب محتاج لونيس محتاج يشعر بدفء كل دقة قلب
إلى كل رجل وامرأة جمع مابينهم حب الصراعات، حب الأنا  وحب الجدل
حب التحدي والعناد وصل مابينهم لأعلى قمة  جبل
وخناقات وتشنجات تبكي عليهم قلوب الطيور أمطار حزن وآلم
إلى كل رجل وامرأة قلوبهم أقسى من الحجر
إلى كل رجل وإمرأة نسوا إنهم في الأول وفي الأخربشر
إلى كل رجل وإمرأة حسوا في لحظة مجنونة… بالحب
أيوة أنا بأتحدى العالم كله وأتحدى نفسي ياحب عمري
بحبك  أوي أوي وبتوحشني بتوحشني أوي
إنت مين؟ إنت إيه؟ إنت الملاك إلي جاي عشاني من السماه
إنت الحضن الدافي ومكاني الحقيقي وملاذي…
أنا عاوزة جواك أستخبى…
أهرب من خوفي، أهرب من الدنيا، أهرب من كل الناس
خبيني جواه حضنك وجنب قلبك وبين إيديك أنا خلاص مابقيتشي في اللحظة دي بالذات خايفة…
كلمة كان حلم عمري أقولها لك وأسمع صوتي وأنا بقولها عشان أصدق إنك حقيقي معايا وقدامي
ونظرة في عينيك أشوف فيها معاك وانا صاحية أحلامي
“بحبك”، أول مرة قولتها لي… حسيت إني أنـــثــى والجمال مخلوق عشاني والدنيا كل الدنيا عشانك إيديتني عمر تاني
“بحبك” بكل ماتحتويه الكلمة دي من معاني…
ياحبيبي إنت غيرت في حاجات كتير
حبيت الدنيا وحبيت نفسي، حبيت حتى عذابي وكل جروحي و حبيت يأسي
حبيت عد النجوم في ليل سهران بجنون
حبيت كل إلي مابين السماه والأرض وكل مخلوق في الكون
حبيت الشمس وحبيت البحر وحبيت القمر في ليالي الصيف وفي عز البرد
وبحبك بحبك بحبك وده ليك مني لأخر عمرنا يا حب عمري وعد